ബെംഗളൂരു: ബെംഗളൂരു സർവ്വകലാശാല (ബിയു) കാമ്പസിന് ഇടം നൽകിയ ജ്ഞാനഭാരതി കാമ്പസിലെ രക്തചന്ദന മരങ്ങൾ ഉൾപ്പെടെ 40 മരങ്ങൾ യോഗാ വിദ്യാഭ്യാസത്തിന്റെ ഉന്നത സ്ഥാപനമായ ഇന്റർ-യൂണിവേഴ്സിറ്റി സെന്റർ ഫോർ യോഗിക് സയൻസസ് വെട്ടിമാറ്റി.
ജ്ഞാനഭാരതി കാമ്പസിൽ 15 ഏക്കർ സ്ഥലത്താണ് കേന്ദ്രം സ്ഥിതിചെയ്യുന്നത്. കാമ്പസിലെ ബയോ പാർക്ക് ഏരിയയ്ക്ക് സമീപം ചിലർ മരം മുറിക്കുന്നുണ്ടെന്ന് അറിഞ്ഞ ബിയു ജീവനക്കാരും വിദ്യാർത്ഥികളും ഇത് മരം കടത്തുകാരാണെന്ന് കരുതിയാണ് അവിടേക്ക് എത്തിയത്. യോഗാ സെന്ററുമായി ബന്ധമുള്ളവരാണെന്ന് തിരിച്ചറിഞ്ഞതോടെ ബിയു പ്രവർത്തകർ പ്രതിഷേധം നടത്തി ഇവരെ സ്ഥലത്ത് നിന്നും ഓടിച്ചു.
നൂറുകണക്കിന് ഔഷധ സസ്യങ്ങൾ നശിച്ചതായി ബയോ പാർക്ക് അധികൃതർ പറയുന്നു. തങ്ങൾക്ക് യാതൊരു അറിയിപ്പും ലഭിച്ചിട്ടില്ലെന്ന് ബിയു അധികൃതർ പറഞ്ഞു. ഞങ്ങളോട് അനുമതി തേടുകയോ അറിയിപ്പ് നൽകുകയോ ചെയ്തിട്ടില്ലെന്ന് ബി യു വൈസ് ചാൻസലർ ജയകര എസ് എം പറഞ്ഞു. മരം മുറിച്ച സ്ഥലവും അദ്ദേഹം പരിശോധിച്ചു.
അതിനിടെ, ഇൻസ്റ്റിറ്റ്യൂട്ടിന് നൽകിയ ഭൂമി പിൻവലിക്കണമെന്നും ഭാവിയിൽ മറ്റ് സ്ഥാപനങ്ങൾക്കോ സംഘടനകൾക്കോ ഇടം നൽകരുതെന്നും സേവ് ബെംഗളൂരുയൂണിവേഴ്സിറ്റി ഹോറാട്ട സമിതി വൈസ് ചാൻസലറോട് ആവശ്യപ്പെട്ടു. വൈസ് ചാൻസലറെ അടിയന്തര സിൻഡിക്കേറ്റ് യോഗം വിളിച്ച് പ്രശ്നത്തിൽ അന്വേഷണത്തിന് ഉത്തരവിടണമെന്നും പോലീസിൽ പരാതി നൽകണമെന്നും ഫോറം ആവശ്യപ്പെട്ടു.
ലക്ഷക്കണക്കിന് രൂപ വിലമതിക്കുന്ന നിരവധി മരങ്ങൾ വെട്ടിമാറ്റിയവർക്കെതിരെയും വൃക്ഷത്തൈകൾ നശിപ്പിച്ചവർക്കെതിരെയും പോലീസിൽ പരാതി നൽകണമെന്ന് വൈസ് ചാൻസലറോട് ഞങ്ങൾ ആവശ്യപ്പെട്ടുന്നുവെന്നും ജയകരന് നൽകിയ നിവേദനത്തിൽ പറയുന്നു.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button.
